पावसात खंडाळा -शांता शेळके | Pawasat Khandala Lyrics in Marathi

Pawasat Khandala Lyrics in Marathi

हिरवी झाडत, पिवळा डोंगर

निळी सावळी दरी

बेट बांबूचे त्यातून वाजे 

वाऱ्याची पावरी

कभिन्न काळ्या खडकांमधुनी 

फुटती दुधाचे झरे 

संथपणाने गिरक्या घेती

शुभ्र शुभ्र पाखरे

सोनावळीच्या सोनफुलांचा 

बाजूस ताफा उभा

तलम धुक्याची निळसर मखमल

उडते भिडते नभा 

हिरवी ओली मखमल पायी 

तशी दाट हिरवळ 

अंग झाडतो भिजला वारा

त्यात नवा दरवळ

डूल घालुनी जलथेंबांचे 

तृणपाते डोलते 

शील घालुनी रान पाखरू 

माझ्याशी बोलते

गोजिरवाणे करडू होऊन 

काय इथे बागडू?

पाकोळी का पिवळी होऊन

फुलाफुलांतून उडू ?

Pawasat Khandala Lyrics in English